إدارة المطاعم اليوم صارت أصعب من قبل بكثير، خصوصًا مع سرعة الحياة اليومية. من استقبال الطلبات، لإدارة أوقات الذروة، لتحديث المينيو، كل خطوة تحتاج سرعة وكفاءة. ومع توقع العملاء لخدمة فورية والمنافسة اللي صارت على بعد ضغطة واحدة، التحدي صار أكبر.
عشان كذا، كثير مطاعم في السعودية بدأت تعتمد على تطبيقات التوصيل وأنظمة الطلب أونلاين لتبسيط عملياتها وزيادة مبيعاتها. بس المشكلة؟ أغلب المنصات تطلب من عملاءك تحميل تطبيق، وتاخذ عمولات عالية على كل طلب.
هنا يجي دور تيم. تيم مو مجرد تطبيق توصيل أكل، هو نظام طلب أونلاين بسيط وعملي يساعدك تدير مطعمك بسهولة، بدون ما يطلب من عملاءك تحميل أي تطبيق.
سلوك العملاء قاعد يتغير. كثير من الناس في السعودية صاروا يفضلو الطلب أونلاين، خصوصًا وقت الزحمة، الويكند، أو في ليالي العيد ورمضان. سواء كان كوب قهوة أو وجبة كاملة، يتوقعو الراحة والسرعة.
لكن بالنسبة للمطاعم، استقبال الطلبات بالتليفون أو التنقل بين تطبيقات التوصيل ممكن يصير مرهق. الطلبات اليدوية ممكن تسبب أخطاء، زحمة في الفرع، وخسارة مبيعات.
لهذا السبب، التحوّل للحلول الرقمية مثل تيم صار ضروري، مو مجرد خيار.
معظم تطبيقات التوصيل تطلب من العملاء تحميل التطبيق، إنشاء حساب، وإكمال خطوات كثيرة قبل ما يقدر يطلب. غير كذا، غالبًا ياخذو عمولات كبيرة تنقص من أرباحك.
أما تيم يغيّر المعادلة:
تيم يعطيك تحكّم كامل في تجربة الطلب الرقمي، من مشاركة رابط المنيو على الإنستجرام أو الواتساب، لاستقبال وإدارة الطلبات بشكل مرتب وسلس من لوحة التحكم.
من أقوى مميزات تيم هي لوحة التحكم للمطاعم، وهي مركز إدارتك اللي تقدر تدير منه كل شيء، من تخصيص المينيو لإدارة الطلبات المباشرة وتحليل أداء المبيعات.
كيف تيم يسهّل يومك:
إدارة المينيو لحظيًا
خلصت كمية صنف معين؟ أو بتضيف وجبة إفطار جديدة؟ تقدر تحدّث المينيو بثواني بدون أي تعقيد أو تكاليف طباعة.
متابعة الطلبات مباشرة:
كل طلب يجيك واضح، تعرف ايش الطلب، متى انطلب، وهل تم الدفع، كل شيء في شاشة وحدة بدون لخبطه.
مدفوعات أونلاين سلسة:
ودّع الكاش والمحاسبة اليدوية. العميل يقدر يدفع مباشرة من رابط المينيو عبر خيارات دفع آمنة، ويقلل الضغط على موظفينك ويضمن تسليم سلس.
تيم اليوم يساعد كثير مطاعم في السعودية لتسهيل الطلبات، زيادة الكفاءة، وتحقيق رضا العملاء.
سارة كافيه
سواء قهوة الصبح أو لاتيه العصر، سارة كافيه يبسط تجربة الطلب لعملائه من خلال مشاركة رابط المينيو عبر السوشال ميديا والواتساب، بدون أي تحميل تطبيق. الطلبات تجي مباشرة على لوحة التحكم، وتبقى العمليات منظمة وسريعة.
BYB
للي يعشق البرجر الأمريكي العصري، BYB يعتبر خيار محلي مميز. يستخدمو تيم لتحديث العروض الموسمية، إدارة الطلبات العالية يوميًا بدون دفع عمولات أو الاعتماد على أطراف ثالثة.
Ganache
عشاق الحلويات ما يملّون من Ganache المشهور بحلوياتهم الفاخرة. مع تيم، يوصلو طلباتهم بسهولة من خلال رابط بسيط قابل للمشاركة. لوحة التحكم تساعدهم في إدارة الطلبات خلال الزحمة في الويكند والأعياد بكل أريحية.
البدء مع تيم جدًا بسيط:
ادخل على تيم
سجل وأنشئ حساب مطعمك
حمّل المنيو والأسعار
شارك رابط الطلب عبر الواتساب، الإنستجرام، الرسائل النصية، أو موقعك
استقبل الطلبات مباشرة على لوحة التحكم
ما يحتاج أي إعدادات تقنية أو إجراءات طويلة. تيم مصمم يكون بسيط وسريع عشان تركّز على تقديم أكل رائع بدون تعقيد البرامج الصعبة.
في سوق الطعام التنافسي، تحتاج المطاعم لأدوات توفر الوقت، وتحسّن الخدمة، وتزيد المبيعات بدون ما تخسرك التحكم في مشروعك. تيم يعطيك هذي الأدوات.
هو مو مجرد تطبيق توصيل أكل، هو نظام طلب أونلاين شامل يسهّل عليك وعلى عملائك التجربة:
طلب بدون تطبيق
تحكّم كامل من لوحة التحكم
بدون عمولات
وصول مباشر لجمهورك
سواء كنت مطبخ منزلي، كافيه، أو مطعم كامل، تيم يساعدك تطوّر إدارة مطعمك وتقدّم لعملاءك تجربة طلب سلسة وعصرية، بالراحة اللي يتوقعوها اليوم.
تقدم تيم حلولاً مخصصة لجميع آنواع الأعمال سواء كنت مطعم أو متجر إلكتروني أو مزود خدمة، فإن تيم لديها الأدوات اللازمة لتبسيط عملياتك وتعزيز نجاحك
إعرف المزيد
